Құрметті Жалағаш ауданы тұрғындары және қонақтары!
Бүкіл әлемде 1 - ші маусым Балаларды қорғау күні ретінде аталып өтіп, ескі халықаралық мейрамдардың бірінен саналады. Оны өткізу жөнінде шешім 1949 жылдың қараша айында Халықаралық демократиялық әйелдер федерациясының арнайы сессиясында қабылданды.
Алғашқы халықаралық балаларды қорғау күні 1950 жылы өткізілді БҰҰ аталған бастаманы дер кезінде қолдап, балалардың өмірін, құқығын, денсаулығын қорғауды өз қызметінің басты бағыттарының біріне айналдырды.
Балаларды қорғау күні олардың өмірін соғыстан қорғау, денсаулығын сақтау, болашақ ұрпаққа демократиялық негізде білім мен тәрбие беру жөніндегі барша әлемдегі озық пікірлердің тоғысқан арнасы десек, артық айтқандық емес.
Құрметті балалар, достар, ата-аналар! Сіздерді бүгінгі 1-маусым балаларды қорғау күнімен құттықтаймын! Еліміздегі жас өскелең ұрпақ аман болсын!Жұртымыз,еліміз тыныш,деніміз сау,басымыз аман,жұмысымыз жемісті болсын! Бүлдіршіндеріміздің бүгінгі мерекелерімен құттықтаймын. Жас ұрпақ, жас буын, жасөспірімдеріміз аман болсын. Елдің ертеңі болар осы жастарымыз,балаларымыз! Мереке құтты болсын!
12 мамыр -Халықаралық мейіргерлер мерекесіне орай бастауыш кәсіподақ комитеті ұйымдастыруымен Жалағаш аудандық ауруханасында ақ халатты абзал жандар-мейіргерлердің құрметіне салтанатты мерекелік шара аталып өтті.